Usflugsziel
Brienzer Rothorn / 10min. Autofahrt nach Brienz
Harder Kulm / 10min. Autofahrt nach Interlaken
Giessbachfäll / 40min. Autofahrt
Aareschlucht / 30min. Autofahrt
Wildpark Brienz / 12min. Autofahrt / Chliini Wanderig bis zum Park
Wildpark Interlaken / 13min. Autofahrt / Chliine Spaziergang bis zum Park
Ballenberg / Freilichtmuseum / 18min. Autofahrt
Schweibenalp / 30min. Autofahrt
Trümmelbachfälle / 30min. Autofahrt
Badi Goldswil / Burgseeli / 10min. Autofahrt
Badi Interlaken / 10min. Autofahrt
Ässe und Trinkä
Restaurant Elemänt Bönigen, Friitig bis Sunntig offe
Wätterhorn Hasliberg, gueti Konzert und feins Esse
Shopping
Brocki Goldswil, es alts Hotel zumne grosse Brocki umgwandlet
Prima Ringgenberg, Dorflädeli mit allem was mer so brucht
Chäs Fritz Brienz und Interlake, grossi Uswahl a feine Chäs
In Brienz heds en Coop, Migros und en Landi
In Interlake finded ier au en Coop, Migros, Landi, Denner, Aldi, Lidl
Fotoshooting
Es Fotoshooting ide wundervolle Umgebig vom Zyläli. Mer gönd los wenn s Liecht am schönschte isch und nämed eus ca. en Stund Ziit. Locations gids gnueg schöni da, mer münd gar ned wiit fahre. Villich startemer sogar vor de Hustüüre.
De reguläri Priis fürs Shooting startet ab 350.- excl. Mwst.
Feriegäscht vom Chalet profitiered vo 20% Rabatt.
Fraged doch gnueg früeh aa ob ich Ziit han!
Kreativ Ziit
Kreativ sii isch öppis wundervolls. Bi schönem Wetter verusse uf de Wiese und bi schlechtem Wetter gmüetlich Dinne ide Stube vorem wärmende Füürli. Uf Vorameldig oder spontan (wenn mer Deheime sind und Ziit hend) bieted mier verschiedeni Kreativ Kürsli aa.
Traumfänger mit Naturmaterialie (ca. 2h)
Mer sammled zäme Naturmaterialie im Wald und Garte und bastled drus en einzigartige Traumfänger wo ier denn chönnd mitheinäh. So hender immer es Stückli vom Zyläli i euem Deheime und en schöni Erinnerig a die Ziit bi eus.
Erwachseni CHF 50.-
Chind (nur mit Begleitig) CHF 20.-
Inkl. Material wo mer verusse ned finded (Garn, Häckeldeckeli, Federli, Chrälleli)
Makramee (ca. 2-3h)
Aafänger oder Fortgschritteni
Villich hender scho immer mal welle d Grundtechnik vom Makramee lerne, oder ier chönnd scho vieles, aber hend no Frage oder öppis woni eu chönnt zeige. Gern nimmi mer Ziit zum mit eu es schöns Schmuckstück z kreiere. De Priis für de Kurs hangt devo ab was füres Schmuckstück mer zaubered und welli Materialie verwendet werded. Ich han alles da, au verschiedeni Edelstei. Gern döfeder au eigeti Materialie mitbringe.
Chind (nur mit Begleitig)
ungefähri Richtpriise inkl. "normalem" Materialgebruch
ca. 1.5h, CHF 100.00 / Person (z.b.Arm- oder Fuesschettli, eifachi Halschetti)
ca. 3h, CHF 180.00 / Person (z.b.Halschetti mit iigfasstem Edelstei)